Euskal Herriko eta euskal diasporako 16-17 urteko 128 neska-mutilek osatu dute aurtengo EuskarAbentura oinezko espedizioa. Gazteen artean euskararen erabilera bultzatzea du helburuetako bat ekimen honek, baita euskal geografia, kultura eta historia lagunartean ezagutzera eramatea ere. Maulen hasi zuen ibilbidea uztailaren 1en eta hilabetearen amaierarekin batera bukatuko da Getxon.
Getaria, Zumaia eta Deba artean igaro zuten espedizioko kideek atzoko eguna. Kostaldetik jarraituta, Bizkaia aldera egingo dute gaur espediziolariek.