Udako Azoka Ekologikoarekin egin zuten topo atzo goiz-eguerdi partean Eusebio Gurrutxaga plazara bertaratu ziren herritarrek eta bisitariek.
Bertako tomatea, baratxuri eta perrexila daraman olioa, lekaleak, pistatxoak, gazta, piperrak, eztia, kotoizko arropa, intxaurrak, sandia edo angurriak, ontziratutako tomate eta lekak, gazta eta irasagar pintxoak... Askotariko produktuak eskaini zituzten euren postuetan hogei ekoizlek.
Biolurrek antolatu zuen bigarrenez azoka, eta elkarteari buruzko informazioa zabaltzeko postua eta informazio panelak ere jarri zituzten plazaren alde banatan.
Eguerdian, gainera, bertso saio txiki bat eskaini zuten Eli Pagola, Julen Zulaika eta Iñigo Izagirre bertsolariek, eta giro polita sortu zen azokaren bueltan.