Krisi ekologikoari buruzko solasaldia izango da irailaren 21ean, asteazkenez. Zehazki, uraren erabileratik, hirigintzatik eta elikadura burujabetzatik krisi ekologikoari aurre egiteko moduez arituko dira Aitor Larrañaga eta Mirene Begiristain EHUko irakasleak eta Miren Vives Project Urbeseko kideak. Gizarte Zentroan (Hogarra) izango da hizketaldia, 18:30ean.
Antolatzaileen esanetan, irailaren 30ean eta urriaren 1ean eta 2an Portugaleten egingo diren ekotopaketen atarikoa izango da Zumaiako saioa.