Asteartean, Joseba Sarrionandia idazle iurretarraren bisita izango dute Irakurri Matte irakurle taldeko kideek, eta saioan, haren Habanako gaukarien trilogiako hirugarren alea komentatuko dute: Bizitzea ez al da oso arriskutsua?.
Uxue Alberdi idazle eta literaturzaleak gidatzen duen irakurle taldeak hamaikagarren ikasturtea du Zumaian. Hilabetean behin Alondegiko Moila gelan biltzen dira taldekideak, irakurritakoak norberari zer ekarri eta iradoki dion partekatzeko. Saio guztiak astearteetan egiten dituzte, 18:00etan.