Udazkenerako ere jarduerak prestatu ditu aurtengoan Astindu dantza elkarteak. Azaroan, esaterako, fandango eta arin-arin ikastaroa eskainiko dute igandero 16 urtetik gorako herritarrentzat. Hain zuzen ere, azaroaren 6an, 13an, 20an eta 27an 10:00etatik 11:30era artean egingo dituzte sueltoko dantzetan trebatzeko saioak Torreberrin.
Izena eman daiteke dagoeneko astindu.zde@gmail.com helbidera idatzita edo 616 371 179 telefono zenbakira deituta. Bazkideek doan eman ahalko dute izena, eta gainerako herritarrek, 20 euroren prezioan.