Pentsioen eros ahalmena, 1080 euroko gutxieneko pentsioak eta pentsio sistema publikoa eskatuko dituzte pentsiodunen plataformek Madrilen. Izan ere, neurri horien aldeko sinadura bilketa egin dute azken hilabeteotan, eta orain, Hego Euskal Herrian bildutako 70.000 sinadura horiek Espainiako Diputatuen Kongresura eramanda egingo dute eskakizuna.
Urtarrilean bost urte beteko dira pentsiodunek beren mobilizazioak hasi zituztenetik, eta bide beretik jarraitzeko asmoa berretsi dute beren helburuak lortu arte.