Irailaren 23az geroztik izan da ikusgai Alondegiko Oxford aretoan 60tik gora obra biltzen dituen Eskuak. Elogio de lo manual artelan bilduma. Margolanek, marrazkiek, eskulturek nahiz argazkiek osatzen dute erakusketa, eta gaiak biltzen ditu guztiak ere. Hain zuzen, eskuak. Artisauen lana goresteko asmoz bildu zituen Ramon Suarez Zuloagak.
Ismael Manterola erakusketaren komisarioa da arte historialaria izateaz gain, eta erakusketaren azken aurreko egunean, larunbatean, bisita gidatua eskainiko du Oxford aretoan. Bertaratutakoei artelanen eta oro har erakusketaren inguruko azalpenak emango dizkie Manterolak 12:00etatik aurrera, euskaraz.