Astindu Zumaiako Dantza Elkarteak dantza tailerrak antolatu ohi ditu hilero. Irailean Polinesiara egin zuten bidaia bertako dantzei esker; igande honetan, berriz, dantza afrikarretan murgiltzeko aukera izango dute Astinduko kideek, baita herritarrek ere.
Kawadenik elkarteko kideek gidatuko dute igandeko tailerra, zuzeneko musikaz lagunduta. Goizeko 10:00etan hasiko da, Torreberrin, eta bi orduko iraupena izango du.
Tailer hauek doakoak dira, eta maila guztietako dantzariei zuzendutakoak.