Azaroaren 13an korrituko da Behobia-Donostia lasterketa. Ohikoa den bezala, milaka lagunek hartuko dute parte karrera honetan.
Proba honetan parte hartuko nahiko duten herriko korrikalarien joan-etorria errazteko, autobusa antolatu du Zumaiako Kirol Patronatuak. Busa goizeko 7:50ean abiatuko da Txomin Agirre kaiko geltokitik; bueltakoa 14:00etan aterako da Ilunbetik.
15 euro balioko ditu autobuseko joan-etorriak, eta izenak Lubaki kiroldegian eman beharko dituzte zerbitzu hau erabili nahiko dutenek.