Turismoaren eta kolonialismoaren inguruko gogoetei umore puntua erantsita ondo du Horman Poster kolektiboak bere proposamen eszeniko berria: Souvenir. Komeria estralurtarra. Emanaldia gaur izango da, 20:00etan hasita, Aita Mari zinema aretoan.
Igor de Quadrak zuzenduta, Maite Aizpurua, Xanti Agirrezabalaga eta Matxalen de Pedro antzezleak ariko dira oholtzan. Laurek, Jon Ander Urrestirekin batera, osatzen dute konpainia hau. Esplorazio espazialaren ametsaz mozkortutako hiru lagun. Denboraldi batez, "espazioaren konkista" entseatu eta birpentsatuko duten astronauta analogoak bilakatuko dira. Mundua pikutara doala dirudien honetan, "eko-antsietateak" jota, espezie interplanetarioa izatearen promesari eutsiko diote.
Sarrerak aurrez eros daitezke turismo bulegoan edo hemen, 8 euroan; 6 euroan gazte txartelarekin.