Aita Mari erreskate ontziaren aldeko emanaldi berezia eskainiko du Korrontzi musika taldeak datorren igandean, abenduaren 11n, Bilboko Arriaga antzokian (19:00etatik aurrera). Korrontzi Benefic emanaldi berezi honetarako Euskal Herriko hainbat dantza talde gonbidatu ditu Korrontzik. Musika taldeak joko dituen doinuak euskal dantzez jantziko dituzte talde hauek.
Gonbidatutako taldeen artean izango da Zumaiako Astindu dantza taldea. Meñakoz izeneko musika pieza dantzatuko dute Zumaiako lagunek.