Hainbat opariz osatutako Gabonetako loteak zozkatu ditu Beheko Plaza jubilatuen eta pentsiodunen elkarteak bere bazkideen artean. Saridunen zerrenda Gurrutxaga plazako gizarte zentroko iragarki taulan ikus daiteke.
Datorren asteazkenean, abenduaren 14an, hasiko dira taulak banatzen gizarte zentroan bertan, 10:00etatik 12:00etara, eta 16:00etatik 18:00etara bitartean. Saria jasotzeko elkarteko bazkide txartela aurkeztu beharko dute. Erosketa orga eramatea gomendatzen dute.
Txokolatea txurroekin
Asteartean, abenduaren 13an, Santa Luzia eguna, txokolatea txurroekin emango die Beheko Plazak bere bazkideei, 18:00etatik aurrera, gizarte zentroko tabernan.