Urte bukaerarekin batera, aurreko urteetan egin bezala, 2023ko egutegia prestatu du Zumaiako Udaleko Euskara Sailak. Herriko gairen bat hartzen du egutegia osatzeko, eta oraingo honetan Zumaiako ontzigintza izan da aukeratu dutena. Ohi bezala, Ander Hormazurik egin ditu marrazkiak, eta irudi horietan herriko ontziolak eta ontzi motak jasotzen dira. Gaiak lantzerako orduan Beduola ontzi tradizionalen elkartea izan dute bidelagun.
Egutegiak herriko ikastetxeetan banatu ziren abenduaren hasieran, Euskararen Egunaren bezperan. Udaletxeko sarreran ere eskuratu ahal izango da orain.