Torreberri gaztetxea XI. Urrezko Pertxa korto txapelketa antolatzeko lanetan dabil. Aurtengoan ere, irudimena martxan eta kamerak eskutan izango dituzte parte hartzaileek sormena lantzeko antolatzen den urteroko hitzorduan.
Antolatzaileek jakinarazi dutenez, bihar, hilak 27, emango dituzte aurtengoan landu beharreko objektuaren eta gaiaren berri, sare sozialen bitartez. Lanak bi egunetara, hilaren 29an entregatu beharko dituzte parte hartzen duten taldeek, 22:00etan Torreberri gaztetxean bertan, eta orduerdi beranduago proiektatuko dituzte bildutako lanak.
Edozein zalantza argitu edota argibideak jasotzeko, torreberrigaztetxea@gmail.com posta elektronikora mezua bidali daiteke.