Gipuzkoako Prentsa Elkarteak antolatutako kirol gala ospatu zen astearte iluntzean Donostiako Aquariumean. Bertan, aurten gehien nabarmendu diren lurraldeko kirolariak aipatu eta saritu zituen elkarte honek.
Zumaiar bat, Arritxu Iribar, izan zen galako aurkezle eta gidaria, eta bere jaioterriko bi kirolariren izenak aipatzeko aukera izan zuen urtean zehar gehien nabarmendu direnen artean, Imanol Lopez puntistarena eta Irati Osa piraguistarena, hain zuzen ere.