Giro ederra izan zen atzo, ostirala, Emakumeon* Etxean. Izan ere, 16:00etatik aurrera, I. Mus Txapelketa jokatu zen, eta hamar bikote aritu ziren nor baino nor gizonezkoena izan ohi den mahai jokoan.
Vanessa Arbelaitzek eta Ainhoa Azurmendik osatutako bikotea izan zen garaile: botila ardo bana eta Zumaiako saltokietan erabiltzeko 100 euroko bono bana jaso zuten. Dena den, parte hartzaile guztiek jaso zuten koaderno sorta eta pin bana.