Mailaka eta abiapuntu desberdinetatik aritu dira aurtengo San Silbestre lasterketako parte hartzaileak. LH 1, LH 2, LH 3, LH 4 mailetako haurrek 250 metro egin dituzte Erribera kalean zehar, Alondegi paretik abiatuta. LH 5, LH 6 mailetako haurrek, berriz, 1.100 metro egin dituzte Eusebio Gurrutxaga plazatik abiatuta. Leku beretik hasi dute lasterketa DBH 1, DBH 2 mailetako gaztetxoek ere, eta 1.500 metro egin dituzte.
Ipar martxa ere egingo dute. Horiek ere Eusebio Gurrutxagatik abiatu dira, baina 5.000 metro egin dute, 11:30ean hasita. Korrikalariak baino lehentxeago atera dira patinen modalitatekoak, 12:00etan, eta ipar martxakoak bezalaxe, 5.000 metroko ibilbidea egin dute.
Korrikalariak, berriz, 12:05ean atera dira Beheko plazatik bertatik, eta herrian zehar eman dute itzulia, 5.000 metro osatu arte.