Gospela euskaraz abestu daitekeela erakutsiko dute bihar Goiko Gela taldeko kideek Aita Mari zinema aretoan emango duten kontzertua. Emanaldia 19:00etan hasiko da.
Lau bakarlarik (Karlos Etxaniz, Jon Imanol Etxabe, Santi Romano eta Olatz Otxoa) eta pianista batek, Iñaki Miguelek, osatzen dute boskotea. Miguel bera da, gainera, taldeko zuzendaria. Orain gutxi sortua da Goiko Gela, baina bere taldekide batzuk aurrez ere aritu dira euskarazko gospela abesten The Upper Room taldean.
Kontzerturako sarrerak aurrez salgai daude, 5 euroan, turismo bulegoan eta Internet bidez, hemen.