Jai Alai Winter Series txapelketako bigarren partida jokatuko dute Iñaki Osa Goikoetxeak eta Nicolas Etchetok gaur Gernikako Jai Alai frontoian. Partida 19:00etan hasiko da eta 22:30etik aurrera emango dute ETB-1en.
Johan Sorozabal eta Julen del Rio pilotari gazteak izango dituzte gaurkoan aurkari B multzoko partidan. Goikoetxeak eta Etchetok orain arte partida bakarra jokatu dute eta 2-0 emaitzarekin irabazi zieten Beaskoetxea eta Lopezi.
Txapelketako hurrengo fasera pasatzeko txartelak daude gaur jokoan. Une honetan, Beaskoetxea eta Lopez daude sailkapeneko buruan 7 punturekin hiru partida jokatuta; Goikoetxea eta Echeto bigarren dira 4 punturekin eta partida bakarra jokatuta; Johan eta Del Rio, 4 punturekin, eta bi partida jokatuta, eta Tambourindeguy eta Minvielle, puntu bakarrarekin eta bi partida jokatuta. Gaurko partidan izango den emaitzak erabakiko du, hein handi batean, zer bikote pasatzen diren txapelketako finalerdietara.