Kalifornian (AEB) da egunotan Janire Gonzalez-Etxabarri surflaria; izan ere, bertan jokatzen ari den WSL Junior Championships, Surfeko Munduko Junior Txapelketan aritu da. Tamalez, ezin izan du aurrera egin final zortzirenetara iritsi ondoren.
Aurkari gogorra egokitu zaio eta ez dio kanporaketa gainditzeko zirrikiturik txikiena ere utzi. Sawyer Lindblad estatubatuarra izan du kontrario, bere herrialdeko surflarien rankingeko liderra da, eta nagusitasunez gailendu zaio zumaiarrairi: 15.10 puntu egin ditu Gonzalez-Etxebarriren 10.33 puntuen aurrean.
Asteazkeneko saioa izan zen txukunena zumaiarrarentzako; orduan lortu zuen puntuaketarik onena: 13.60 puntu jaso zituen egindako lanarengatik.