Euskal Karabanarekin bat eginda, Zumaiako Darahli elkarteak janari bilketa egingo du datorren astean Zumaian. Bildutako janaria eta bestelako produktuak karabanaren bitartez bidaliko dira Saharako errefuxiatuen kanpalekuetara. Ekintza honen helburua Tindufeko (Aljeria) kanpaleku hauetan pairatzen duten elikagai falta nolabait asetzea da.
Janari bilketa bi fasetan egingo da: urtarrilaren 18tik 20ra bitartean Zumaiako ikastetxeetan jasoko dira produktuak, eta datorren larunbatean, hilaren 21ean, Eroski eta BM supermerkatuetan. Darahlik azaldu duenez, bilketa egun horretan goizez egingo da.
Honako produktuak jasoko dituzteko elkarteko kideek: atun eta sardina latak, azukrea, lekaleak, pasata, dilistak, arroza, konpresak eta kadukatu gabeko sendagaiak.
Elikagai hauek kanpalekuetara eramateak kostu ekonomiko handia duela-eta, aurten dirua ere jasoko dute. Diru horrekin elikagaiak Tinduf bertan erosi ahal izango dira.