Iragarrita zegoen bezala, euri jasa handiak izan dira Kantauriko isurialdean azken orduetan. Zumaiako Udaltzaingoak Baleikeri esan dionez, euriteek ez dute arazo larririk eragin herrigunean. Pikote baserriaren inguruan izan dira arazoak: luizi batek baserrira eramaten duen bidea estali zuen atzo gauean eta une honetan ezin dira autoak bertatik igaro.
Bestalde, denboraleak itsasoan ere eragina izango duela jakitun, udaltzainek barrako sarrera itxi dute azken egunotan, baita zinta bidez iragarri ere.
Itzurun hondartzan, berriz, harriak erori dira menditik, eta edozein zinten bidez balizatu du ingurunea udaltzaingoak edozein arrisku ekiditeko.
