Sei borrokaldi izan ziren pasa den larunbatean Anoetako gimnasioan, Donostian. Horietatik hiru Gipuzkoako txapelketara sailkatzeko baliagarriak ziren, beste hirura gimnasioen arteko borrokaldiak, txapelketarako puntuagarri ez zirenak.
Mady Diame Zumaia Cuban Boxingeko boxeolariak Team Latigo klubeko Daniel Pozo izan zuen aurkari Gipuzkoako txapelketara sailkatzeko baliagarria zen borrokaldian. 63,5 kiloko kategorian aritu ziren bi boxeolariak, eta Zumaiako klubeko ordezkaria izan zen irabazlea, puntuetara, oso borrokaldi berdinduaren ondoren.
Eliezer Chavarriak, berriz, txapelketatik kanpoko borrokaldia izan zuen Irungo Mendyren aurka, 75 kiloko kategorian. KO teknikoarekin irabazi zuen borrokaldia.