Santa Ageda Eguna da gaur eta bezperako ohitari jarraiki santa eskean ibili ziren atzo herriko hainbat talde. Elkarrekin aritu ziren bertso eskolako ikasleak eta zutrik trikitilari taldeko kideak izan ziren goiztiarrenak. Baserriz baserri ibili ziren 08:30ean abiatuta. Arratsaldean, berriz, Beheko Plaza abesbatzakoek hartu zieten erreleboa. Herriko kaleak girotu zituzten, abesbatzari izena ematen dion Beheko Plazatik abiatuta hain justu ere. Amaitu ere bertan amaitu zuten.