Mendi Film nazioarteko mendiko zinema jaialdiko lan onentsuenetakoak ikusteko aukera dago aste honetan Zumaian, Indamendi bazkunaren 50. urteurreneko ekitaldien barruan. Herenegun egin zen lehen saioa eta gaur izango da bigarrena, 19:30etik aurrera, Aita Mari zinema aretoan.
Gaurko jardunaldian beste hiru dokumental erakutsiko dira: 2022ko jaialdian Ikusleen Saria eta Epaimahaiaren aipamen berezia jaso zuen Egoland, iazko Sail Ofizialean erakutsi den Free rider, eta iaz argazkilaritza onenaren saria jaso zuen Ephemeral.
Sarrerak aretoko leihatilan izango dira salgai, 5 euroan. Aurrez eros daitezke, baita ere, Zumaiako turismo bulegoan.