Euskara "ertz askotatik" heltzeko borondatea iragarri zuen Larraina euskara taldeak, Euskara, bestela ez gara hitzaldi zikloaren antolatzaileak, aurtengo edizioa iragartzerako orduan. Atzokoan, hitzaldi sortari hasiera eman zion hitzorduan mundu mailako testuinguruan kokatu nahi izan zuten euskara.
Hizlariak Maialen Sobrino (Ekuadorreko Kitxua herria eta hizkuntzarekin lankidetzan), Paula Laita (Kanadako Tsilhqot'in hizkuntza biziberritze-lanetan lankidetzan) eta Arkaitz Zarraga (Kolonbiako Nasa herriarekin) izan ziren. Beste hizkuntzengandik zer ikasia dagoela ondorioztatu zuten atzoko saioan.