Bukaerara iristen ari dira inauteriak, eta hitzordu garrantzitsuenen laburpen bideoa prestatu du Baleikek: ostiraleko Musika eta Dantza Eskolaren jaialdia eta haren amaieran Telmo Iruretari egin zioten omenaldi xumea, eta larunbatean Astindu dantza taldeak egin zuen dantza emanaldia eta kalejira.
Gaur, igandea, oraindik Betijai fanfarrearekin kalejira egiteko aukera izango da eguerdi partean, eta arratsaldean umeentzako zinema emanaldia dago. Bihar, Pirritx, Porrotx eta Marimototsen emanaldiarekin amaituko da inauterietako egitaraua.
Gaur, igandea
12:30-14:30. Betijai fanfarrearen kalejira herriko kaleetan zehar.
17:00. Aita Marin, zinema emanaldia Yuku eta Himalaiako lorea.
Etzi, astelehena
15:00 eta 17:30. Zumaienan, Pirritx, Porrotx eta Marimotots pailazoen ikuskizuna: Urteak bete, abenturak bizi.