Larunbat honetan, hilak 25, jokatuko da Zumaiako 38. Herri Lasterketa, eta izena emateko epea laster amaituko da; asteazken gauerdian, bihar, alegia. Izena Kronoak.com webgunean eman behar da.
Ohi bezala, helduek bi proba izango dituzte aukeran: 5.100 metroko lasterketa laburra, eta 10.200 metroko lasterketa luzea. 17:00etan hasiko da lasterketa luzea, eta 17:10ean, motza. Antolatzaileek azaldu dutenez, ohiko zirkuitua izango du lasterketaren aurtengo edizioak ere, eta irteera eta helmuga Eusebio Gurrutxaga plazan kokatuko dituzte.
Helduen proben aurretik, 15:45ean, haurren eta gaztetxoen saioak izango dira.
Iaz Martin Amilibia zumaiarrak jantzi zuen txapela proba nagusian gizonezkoetan, eta Rebeca Mariño baztandarrak, emakumezkoetan.