Hiru hilabete barru, maiatzaren 28an, egingo dira udal eta foru hauteskundeak. Horren harira, agintaldi honetarako prestatutako gobernu planaren inguruko balantzea egingo du Udal Gobernuak jendaurreko ekitaldian. Saioa asteartean, otsailaren 28an, izango da, 18:30etik aurrera, Alondegiko Oxford aretoan.
Udal Gobernuak azaldu duenez, 2020ko otsailean 98 proiektuz osatutako plana aurkeztu zuen, eta ordutik hiru urte igarota, eta hauteskundeak ate joka direla, haren berri emango die herritarrei. "Egindakoak eta egin gabekoak" izango dituzte hizpide, eta legealdi osoko balantzea eta Udal Gobernuaren balorazioa aurkeztuko dituzte.
Ekitaldia euskaraz izango da, baina aldi berean, gaztelaniaz entzuteko aukera izango da, itzultzaile sistemari esker.