Euskal Herriko Geologiako XV. Olinpiadak egin dituzte, eta txapelketak Euskal Kostaldeko Geoparkearen babesa jaso du. Ostiralean egindako lehiaketak hainbat fase izan ditu. Lehen fasean proba teoriko eta praktiko bat burutu dute parte-hartzaileek. Horren ostean, emaitzarik onenak lortu dituzten bost ikasle hautatu dira, eta bertatik, galdera erantzunen bitartez izendatu dira Olinpiadetako irabazleak.
Oier Flores eta Danel Totorikaguena durangarrak (Fray Juan de Zumarraga BHI) eta June Garmendia eta Miren Salaberria azkoitiarrak (Azkoitia BHI) izan dira aurtengo Geolinpiadako irabazleak. Olinpiadako fase nazionalera joateko aukera irabazteaz gain, Euskal Kostaldeko Geoparkeak Flysch-a oinez eta itsasontziz ezagutzeko bisita gidatua oparitu die irabazleei.