Lau urte igaro dira eskualdeko tokiko hedabideek bat egin zutenetik. Karkarak, Baleikek, Uztarriak, Maxixatzenek, Erlo Telebistak, Zarauzko Hitzak eta Urola Kostako Hitzak Urolako Komunikazio Taldea (UKT) osatzen dute orain, eta irakurleek hedabide bakoitzaren proiektuaren inguruan duten iritzia ezagutu nahi du taldeak.
Baleikek herritarren atxikimendua behar du proiektua mantentzeko. Horregatik, bazkideen eta irakurleen iritzia garrantzitsua da hedabidearentzat. Hala, etorkizuneko komunikazio eskaintza zehazteko eta proiektua finkatzeko, ezinbestekoa da irakurleen kontsumo ereduak (papera, telebista, webguneak) zeintzuk diren, horiek taldeak lantzen dituen gaiekiko zer interes duten, landutako gaiei emandako tratamenduaz zer iritzi duten, aldizkarien banaketa sistema zer iruditzen zaien eta abar jakitea.
Baleikeren bazkideek mezu bana jasoko dute posta elektronikoz, eta horiei galdetegi bat betetzeko eskatuko zaie. Halaber, atari digitaleko nahiz sare sozialetako jarraitzaileei ere gauza bera egiteko eskatu nahi die Baleikek.
Honako lotura honetan bete daiteke inkesta.
Eskerrik asko!