Nagusiekin nagusientzat programa antolatu du aurten ere Nagusien mahaiak. Horren barruan, erorketak saihesteko tailerra antolatu du. Lehen saioa aurreko ostegunean egin zen Alondegiko Oxford aretoan. Bertan, osasun zentroko eta osasun saileko adituak izan ziren hizlariak eta hainbat informazio eta gomendio eman zizkieten nagusiei osasun arloa indartzeaz gain, erorketak prebenitu ahal izateko.
Bigarren saioa ostegun honetan bertan izango da, apirilaren 27an, 10:30etik aurrera, leku berean. Oraingo honetan, udaleko Gizarte Zerbitzuetako lagunek nagusiei zuzendutako zerbitzu eta programen berri emango dute. Jarraian, Lubaki kiroldegiko arduradunekin hainbat ariketa praktiko egingo dituzte.