Urrats kirol eta nutrizio zentroak ostiralean zabalduko ditu ateak, 17.00etatik 20.00etara. Gimnasio berria Zumaiako Juan Belmote kaleko 4 zenbakian dago kokatuta, eta Unai Azkunek zuzenduko du zentroa. Azkune esperientzia handiko piraguista da, eta elikadura nahiz kirol prestakuntza ikasketak amaitu ondoren zabalduko du Urrats kirol eta nutrizio zentroa.
Azkunek adierazi duenez, maila eta adin guztietarako kirol prestakuntza nahiz elikadura aholkuak eskainiko ditu, eta zumaiarrak Urrats zentro berritik pasatzera animatu nahi ditu.
