Zumaiako Musika eta Dantza Eskolak datorren astelehenean, hilaren 15ean, zabalduko du 2023-2024 ikasturterako matrikulazio epea. Ikastetxeko arduradunen esanetan, helburu nagusia edozein adineko pertsonei antzerkia, dantza eta musikaren arloetan prestakuntza praktikoa ematea da, "eta aldi berean interesa edo bokazioa dutenei lanbide-heziketarako prestaketa ematea".
Matrikulazioak egiteko Ubillos jauregitik pasa daitezke interesdunak, idazkaritako ordutegian: astelehen eta ostiraletan 11:00etatik 13:00etara, eta astearte, asteazken edo ostegunetan, 16:30etik 18:30era. Informazio gehiagorako, 943-86 11 83 telefono zenbakira deitu daiteke edo musikaeskola@zumaia.eus posta elektronikoko helbidera idatzi.
Ikasgaien inguruko informazioa hemen eskuratu daiteke.