Gasteizen 32 urteko emakumezko baten hilotza aurkitu zuten atzo apartamentu hotel bateko logela batean, bortxa zantzuekin. Ertzaintzak adierazi duenez, indarkeria matxista gisa ikertzen ari dira kasua, eta haren bikotekide ohia atxilotu dute dagoeneko Zaragozan. Bi asteren barruan Euskal Herrian gertatzen den bigarren hilketa matxista da.
Zumaiako Mugimendu Feministak gertatutakoa salatzera deitu ditu herritarrak. Bihar izango da protesta, asteartea, 20:00etan Saregileen plazan.