Zumaiako Pilota Elkarteak pilota festa antolatu du larunbat honetarako; hori horrela, 16:00etan hasita zortzi partida jokatuko dira Odieta frontoian. Eskuzko pilotari dagokionez bost partida jokatuko dira; bi benjaminenak (binaka) eta hiru alebinenak (buruz buru).
Palazko partidak, berriz, hiru izango dira; bi benjaminenak (binaka), eta beste bat alebinena (buruz buru). Partidak amaitu ostean sari banaketa egingo dute.