Zarauzko XXXV. Triatloia jokatzekoa da larunbat honetan, ekainaren 10ean. Jakinarazi dutenez, probak iraun bitartean hainbat aldaketa izango dira inguruko trafikoan eta garraio zerbitzuetan.
Kostako N-634 errepidea, esaterako, itxita egongo da 14:00etatik 18:30era Zumaiatik Zarauzko noranzkoan. Zarauztik Meagarako errepidea ere itxiko dute ordu horien artean, bai Zarauzko Elizaurre kaletik, eta baita Bizkaia-Foruen biribilgunetik ere.
Zarauztik Zumaiarako noranzkoan, autobusez, Nafarroa kalea 1-3 eta Sanz Eneako geltokiak kenduko dituzte, eta Don Leandro kalearen parean ahalbidetuko den behin behineko geltokian hartu beharko da autobusa.