Surflarien udako festa bueltan da. Larunbat honetan, hilaren 15ean, ospatuko dute, eta arratsaldean hasiko dira elkartzen surflariak Itzurun hondartzan. Izan ere, 17:00etatik aurrera, doako surf ikastaroak izango dira bertaratzen direnentzat.
Lehorrean jarraituko du festak: 19:30etik aurrera, Esther Sound Sister, DJ Goiko eta DJ Julen Lujan musika emanaldiak izango dira. Aurreko edizioetan ez bezala, aurten ez dute parrilan jakirik prestatuko.