Joxe Mari Korta txirrindularitza saria jokatu dute gaur goizean jubenil mailako zenbait txirrindularik. Zumaia inguruko errepideetan 102 kilometroko ibilbidea egin ondoren, 41 txirrindularik lortu dute helmuga zeharkatzea. Beñat Iñarra aramaioarra izan da bizkorrena, bi ordu, 27 minutu eta 53 segundoan helmugaratuta. Bigarren postua eskuratzear egon bada ere, hirugarren sailkatu da Mattin Salegi zumaiarra, eta erakustaldi ederra eman du herrian. Iñarra baino 39 segundo beranduago zeharkatu du helmuga, bigarren egin duen Aritz Esnaolarekin batera.
Hemen ikus daiteke lasterketaren sailkapena.