Beduola elkartearentzat egun berezia izan da gaurkoa, Karmengo Amaren eguna. Izan ere, garai batean arrantzale zumaiarrek egingo luketen eran sardina sartu dute arranplatik, eta eguraldia lagun, herritar ugarik jarraitu du gertutik Marinelen Kofradiaraino egin duten bidea.
Behin hara iritsita, bentan saldu dute arraina, eta parrilan egin gero, herritarrei eskaintzeko. Sagardoarekin lagunduta dastatu dituzte bertaratutakoek sardinak, eta dantzan eman diote amaiera ekitaldi bereziari.