Zabaldu dituzte Zumaiako hauteslekuak herritarrek botoa eman dezaten Espainiako Gorteak berritzeko gaurko hauteskundeetan. Bada, botoa emango duten herritarrek kontuan hartu beharko dute oraingo honetan ez dutela joan beharko beren ohiko hauteslekuetara; izan ere, lekualdatu egin dituzte "antolakuntza eta irisgarritasuna hobetze aldera".
Hori horrela, orain arte Gizarte Zentroan (Hogarrean) bozkatzen zutenek, Alondegia Kultur Etxean bozkatu dute gaurkoan; Herri Eskolan bozkatzen zutenek, Aitzuri frontoian.
Bi hauteslekuak 09:00etan zabaldu dituzte eta bozkatzaile goiztiarrenek dagoeneko emango dute botoa. Dena den, 20:00ak arte izango dute botoa emateko aukera Zumaian erroldatutako adin nagusiek.