Motozale bat zendu da gaur arratsaldean Getaria eta Zumaia arteko N-634 errepidean izandako istripu baten ondorioz. Antza denez, ibilgailu batekin talka egin du motoak, baina Ertzaintzak jakitera eman duenez, ez dago oraindik argi gertatutakoa. Horregatik, istripuaren zergatia argitzeko ikerketa jarri dute abian.
N-634 errepideko 24,9 kilometroan izan da ezbeharra, 19:05ak aldera, eta hildakoaz gain, beste zauritu bat ere utzi duela azaldu du Ertzaintzak, hasiera batean zauri larririk gabe. Une honetan, errepidea itxita dago.