Goiz bikaina igaro dute haurrek eta gaztetxoek Santiago hondartzan hareazko eskulturak egiten ikasten. Eguraldia lagun izan dute goiz osoan zehar, eta ume ugari bertaratu dira Andoni Bastarrika azpeitiarrak eskainitako ikastarora.
Gainera, gaur ikastarora joateko aukerarik izan ez dutenek, hondarrezko eskulturak egiteko bigarren aukera bat izango dute abuztuaren 30ean. Tailerra, gaurkoan bezala, 11:00etan hasi eta 14:00ak aldera amaituko da, eta ez da beharrezkoa izango aurretik izena ematea.