Atzo arratsaldean amaitu zen Musika Jaialdiaren 39. edizioa, Donosti Ensembleren kontzertuarekin. Parrokian izan zen emanaldia, eta ez zen eserleku bat bera ere hutsik gelditu.
Atzokoa azken emanaldia izanik, kontzertua hasi aurretik, Zumaiako Udalak eskerrak eman zizkien emanaldietara joandako entzule guztiei, zumaiarrei nahiz kanpokoei, eta jaialdia aurrera eramaten laguntzen duten guztiei; musikariei, elkarteei, aholkulariei, baita parrikokiako boluntarioei ere.
Datorren urtean 40. edizioa izango dela kontuan hartuta, urteurren borobila izateko ilusio osoz, "egitarau berezia" prestatuko dutela aurreratu zuen udalak.