Anade elkarteak antolatutako arrantza lehiaketak jokatu zituzten atzo goizean. Kabra eta Dontzeila lehiaketari dagokionez, Jose Antonio Gorostolak eta Felix Nolaskoainek jantzi zuten txapela; Arrain Txikien XLIV. Lehiaketan, Espillaren oroimenezkoan, berriz, Unai Cano eta Jon Hernandez izan ziren garaile, infantil A mailan eta infantil B mailan, hurrenez hurren.
Jose Antonio Gorostolak eta Felix Nolaskoainek osatutako bikoteak 151 pieza lortu zituen goizeko arrantza saioan; guztira 13,588 kilo. Infantil A mailan, berriz, Anade taldeko Canok lortu zuen emaitzarik onena; 0,467 kilo osatu zituen arrantzatutako piezei esker. Anade taldeko Hernandez, berriz, 0,470 kilo eskuratuta, bere mailako onena izan zen.