Gotzon Enbil da Euskadiko Pilota Federazioko presidentea 2017. urtetik. Bigarren agintaldia du honakoa karguan, eta azken asteetan ohi baino elkarrizketa gehiago ematen ari da. Izan ere, uztail amaieran Nazioarteko Pilota Federazioaren batzorde exekutiboak erabaki garrantzitsua hartu behar zuen bozketa bidez: Euskadiko Pilota Federazioa onartu, ala ez.
Azken unean, baina, bertan behera utzi zuten bozketa, eta horrek soka luzea ekarri du. Besteak beste, batzorde exekutibo horretako kide ia gehienak kargugabetu ditu hango presidenteak.
Pil-pilean den gaiaz aritu da hizketan Enbil hedabide honekin, baina baita federazioak dituen beste helburuez eta Enbilen beraren etorkizunaz ere.