Joseba Beobide Arburua abadea zendu zen atzo, 86 urterekin. Zumaian jaioa, denbora luzez Ternuako Saint John’s-eko eta Saint Pierre et Miqueloneko Stella Maris-eko kapilaua izan zen. Santurtziko Stella Maris-eko kapilaua ere izan zen Beobide, hainbat urtez.
Azken agurra bihar egingo diote abadeari, Zumaiako Parrokian, 19:00etan. Horrez gain, 10:00etatik 13:00etara eta 16:00etatik hiletara arte Zumaiako tanatorioan egongo da Beobideren gorpua.