Zumaia Cuban Boxing taldeak irailaren 4ean hasiko du aurtengo denboraldia, eta izena emateko aukera ireki dute.
Aurreko urteko ordutegi berdinak mantenduko dituzte helduen saioetan: goizeko entrenamenduak astelehenetan eta asteazkenetan egingo dituzte, 10:45etik 11:45era, eta arratsaldekoak, berriz, astearte eta ostegunetan izango dira, 19:30etik 20:45era bitartean.
Haurren saioetako ordutegian aldaketa egon da, izan ere, ikasturte honetan astelehen eta asteartetan egingo dituzte entrenamenduak, 18:30etik 19:30era. Haurren entrenamenduekin irailaren 5ean, asteartean, hasiko dira.
Entrenamendu guztiak Herri Eskolaren gimnasioan egingo dituzte.