Urrezko eta brontzezko domina bana kolkoratu ditu Xabier Osa piraguista zumaiarrak Vejen-Koldingen (Danimarka) jokatutako Beteranoen Munduko Maratoi Txapelketan.
55 eta 59 urte bitartekoen K1 proban lortu zuen uztako lehen domina Osak, brontzezkoa, 19 kilometroko ibilbidea osatu ondoren. K2 mistoan itzuli zen podiumera zumaiarra, baina hirugarren koskatik koska nagusira jauzi eginda: Margarita Fernandezekin batera, urrea irabazi du Osak proba horretan, 50 eta 64 urte artekoen sailkapenean.
Munduko txapelketako lorpen bikoitz horrekin bukatu da aurtengo denboraldia Itxas Gain elkarteko kidearentzat.