Zumaiako Beheko Plaza jubilatuen elkartea hasi da pixkanaka ikasturteko jardunarekin. Jakinarazi duenez, elkartearen bulegoa astelehenean, hilak 4, irekiko dute, ohiko ordutegian. Era berean, jakinarazi dute mantenu gimnastikan izena emateko epea irailaren 11n, astelehenean, irekiko dutela.
Benidormerako izen-ematea, irekita
Beheko Plaza elkarteko kideek azaldu dutenez, oraindik bada lekua Benidormera egingo dute bidaian parte hartzeko. Hain zuzen, urriaren 2tik 12ra joango dira Benidormera, eta interesa duten pertsonek bulegora jo dezakete informazio bila.